Types of clouds Seminar

له‌ رۆژى سێ شه‌ممه‌ به‌روارى 14/ 05 / 2019 و له‌ هۆڵى تاقيگه‌ى بينايى له‌ به‌شى فيزيك سيمينارى(Types of clouds) پێشكه‌شكرا له‌لايه‌ن زۆر به‌رێز م.ى. ئه‌ڤين مغديد حمدامين
 بابه‌ته‌كه‌ په‌يوه‌ندى هه‌بوو به‌ هەور: بریتییە لە گلبوونەوەیەكی بینراوی زۆر وردی بەشۆكەكانی ئاو یان سەهۆڵی ئاو یان هەردووكیان بەیەكەوەو تیرەی هەر تەنۆچكەیەك لەنێوان 1 تا 100 مایكڕۆن دەبێت، (1 مایكرۆن = یەك لەسەر ملیۆنەك بەشی یەك مەتر).
جگە لە بەشۆك (یان دڵۆپە هەرە وردەكانی ئاو)، مادەی دیكەی وەك هەڵمی ئاوو بارستەیەكی مەزنی هەوای وشك و مادەی شل و ڕەق و تەنانەت تەنۆچكە رەقەكانی دەرچوو لە گازە فڕەدراوە دەستكردەكانیش لەخۆ دەگرێت.
هەور جۆرێكە لە جۆرەكانی (شێ) ی هەوایی و خۆریش بزوێنەری سەرەكی خولی ئاوو دروستبوونی هەورەكانە، كاتێك تیشكی خۆر دەستدەكات بە گەرمكردنی ئاوی زەریاو دەریاكان و بەمەش بەشێك لەو ئاوە شلە دەبێتە هەڵم و بەرز دەبێتەوە، پاشان تەوژمەكانی (با) ی بەرزبووەوەی تێربوو بە (هەڵمی ئاو) ئەو بارستانە بەرز دەكاتەوە بۆ ئاستە بەرزەكانی نێو بەرگە هەوای زەوی، كە هەڵبەتە پلەی گەرمیی ئەو نێوەندەش نزمە، بۆیە، ئەو بارستەهەوا پڕبووە بە هەڵم چڕ دەبێتەوەو دڵۆپە ئاوییە شلەكان یان بەستووەكان دروست دەكات كە ئەوانیش لەگەڵ تەنۆچكەكانی تۆزوخۆڵ یەكدەگرن و لە كۆتاییدا هەور دروست دەكەن.
بەو پێیەی كەوا چڕیی هەور لەنێوان 10 تا 100 ئەوەندە كەمترە لە چڕیی هەوادا، بۆیە لەئاسماندا سەردەكەوێ – واتە مەلە دەكات – و تەوژمەكانی با لەلای خۆیەوە دەبێتە پاڵنەرو جووڵەپێكەری ئەو بارستە هەورانە.
ئەوەی زۆر ناسراوو روونە كەوا لە چینە بەرزەكانی هەوادا، هەورەكان بە شێوەو قەبارەو ڕەنگی زۆر جیاجیا دەردەكەون، بەڵام لە رووی زانستی كەشناسییەوەو بەپێی بەرزییان لەسەر ئاستی رووی زەوییەوە، هەورەكان بۆ (3) بەش جیاكراونەتەوە:

1 – هەورە ئاست نزمەكان (Low Altitude Clouds )

2 –  هەورە ئاست مامناوەندییەكان (Mid Altitude Clouds )

3 – هەورە ئاست بەرزەكان (High Altitude Clouds)

وە هەر یەكە لەو بەشانەش، چەندین لق و جۆری دیكەیان لێ جيا دەبێتەوە.

ئه‌مه‌ى خواره‌وه‌ ئيمێڵى پێشكه‌شكاره‌:

https://academics.su.edu.krd/aven.hamadamen

Leave a comment