بە چاودێری ڕاگری کۆلێژی یاسا بەڕێز(پ. ی. د. کاوان اسماعیل ابراهیم) وئاماده بوونی یاریده‌ده‌ری ڕاگر (پ. ی. د. قاسم هاشم محمود) و هاریکاری سەرۆکی بەشی یاسا بەڕیز(پ. ی. د. مسعود حمید اسماعیل) و بە هەماهەنگی لە گەڵ بەشی دڵنیایی جۆری لە کۆلێژی یاسا، و بە سەرپەرشتی مامۆستایان (د. هێڤی ئەمجەد حەسەن) و (م. ئەمیره عەلی عبدالقادر) وبە بەشداری قوتابیانی قۆناغی یەکەمی کۆلێژه کەمان ئەمرۆ ڕێکەوتی 10.12.2019 کاتژمێر 10:00 لە هۆڵی پ.د. خالد سعید/ کۆلێژی یاسا- زانکۆی سەلاحەدین پانێڵێک سازکرا.

ئەم پانێڵە لە میانەی چالاکیەکانی هەفتەی مافەکانی مرۆڤ لە کۆلیژی یاسا بە ناونیشانی (ڕه‌وشی مافەکانی مرۆڤ) بە ڕیوه چوو.

میوانانی پانێڵکە بریتیبون لە بەڕیزان:

1 – به‌ڕێز مەم ئەسکەنده ر(ئەندامی لیژنەی مافی مرۆڤ لە پەرلەمانی کوردستان)

２- به‌ڕێز محمد گۆمە شینی (وتەبێژی ده ستەی سەربەخۆی مافەکانی مرۆڤ لە کوردستان)

３ – به‌ڕێز م. أمیره علی عبدالقادر (مامۆستا لە کۆلێژی یاسا)

ئەم پانێلە لە لایەن قوتابی گەیلان سلیمان قادر (قوتابی کۆلێژی یاسا) بە رێوه‌چوو و لە پێشکەشکردنی قوتابی عبدالرحمن حسین. دوای وه ستان بۆ گیانی پاکی شەهیدان، ڕاگری کۆلێژ وتارێکی پێشکەش کرد. پاش تەواوبوونی پانێڵەکە لە لایەن بەڕیز ڕاگری کۆلێژی یاسا دوو نامیلکە کە بریتی بوون لە پێشنیار و بۆچوونی قوتابیانی قۆناغی یەکەم بۆ پێشخستنی مافی مرۆڤ لە کوردستان پێشکەش بە میوانە بەڕیزه کان کرا.

لەم پانێڵە ژماره یەك لە مامۆستایان و قوتابیانی کۆلێژ ئاماده بوون. وه‌ پانێڵەکە ده وڵەمەند کرا بە ڕاوو بۆچوون و پرسیاره کانی ئاما ده بوان. دوای ته‌واو بوونی پانێله‌كه‌ شانۆگەریەکی کورت لە لایەن قوتابیانی گرووپی (د) پیشکەش کراو و دوا بە دوای ئەوه دوو سیمینار لە سەر مافی کەم ئەندامان و مافی نەوجوانان لە لایەن قوتابیانی قۆناغی یەکەم پێشکەش کرا. چالاکیەکانی ئەمڕۆ بە چەند سه‌رنج و تێبینه‌كی بەڕێز ڕاگری کۆلێژ بۆ قوتابیان کۆتای پێهات. چالاکیەکانی مافەکانی مرۆڤ هەتا ڕۆژی پێنج شەممە ڕێکەوتی 12.10.2019 بەرده وام ده بێت. ‌لە پاڵ ئەم چالاکیانەدا قوتابیانی قۆناغی یەکەم هەڵساون بە ڕازاندنەوه ی کۆلێژه کە بە پۆستەر و کاری هونەری تابیەت بە مافەکانی مرۆڤ و لە هەمان کاتدا چالاکی نوسین بۆ مافی مرۆڤ ئەنجام درا .

دڵشاد محمد رحمن

به‌رێوه‌به‌رى ڕاگه‌ياندنى كۆلێژى ياسا

زانكۆى سه‌لاحه‌ددين