یادى رۆژى جیهانى خاک کرایەوە

بە بۆنەى رۆژى جیهانى خاک رۆژى چوارشەممە رێکەوتى 12/12/2018 بەشى خاک وئاوى کۆلێژى کشتوکاڵ لە هۆڵى بارەگاى رێکخراوە ناحکومییەکان یاى رۆژى جیهانى خاک کردووە بە ئامادەبوونى هەریەکە بەرێزان لە یاریدەدەرانى سەرۆکى زانکۆ ى سەلاحەدین و ( رزاق خەیلانى ) یاریدەدەرى سەرۆکى دەستەى ژینگە و ( نەوزاد محمود على ) سەرۆکى یەکێتى جوتیارانى کوردستان و سەرۆک بەشە زانستییەکانى کۆلێژ . دەستپێکى مەراسیمەکە بە دەقیقێک وەستان لە گیانى پاکى شەهیدانى کوردستان و دواتر ووتاریک سەبارەت بە خاک لە لایەن خاتوو (م. دەشنى على کمال ) خوێنرایەوە و پاشان هەریەکە لە بەرێزان راگرى کۆلێژ و سەرۆکى بەشى خاک وئاو ووتارى خۆیان پێشکەش کرد ، پاشان فیلمێکى دیکۆمتارى سەبارەت بە خاک و پێکهاتەکانى پێشکەش کرا . لە بەشێکى ترى مەراسیمێەکە دو وپانێلى تایبەت پێشکەش کرا یەکەمیان بە میواندرى هەریەکە لە بەرێزان (پ.د. طارق حمە کریم ) لە بەشى خاک و ئاو و ( پ . د. اکرم عثمان ) لە هەمان بەش و ( نەوزاد محمود على ) بە ناونیشانى ( تاوتۆى کردنى کێشەکانى بەرهەم هێنانى کشتوکاڵ لە سونگەى خاکەوە بەڕێوەبردنی لەلایەن( م. دەشنێ علی کمال ) . دواتر پانێلى دووەم بە میوانداریەتى کردنى هەریەکە لە بەرێزان ( رەزاق خەیلانى ) لە دەستەى ژینگەى هەرێم و ( د. طارق فاروق صدیق ) لە بەشى خاک وئاو بە ناونیشانى ( هۆکارەکانى پیس بوونى خاک و رێگاکانى چارەسەرکردنى ) بەڕێوە بردنی لە لایەن ( م. مسلم رسول ) پێشکەش کرا .

Leave a comment

سایت هێشتا له‌ژێر چاك كردندایه‌ و كاری تێدا ده‌كرێ به‌ڵام ده‌توانن زۆربه‌ی زانیاری له‌سه‌ر كۆلێژ وه‌ربگرن