مەڕاسیمی ماتەمینی پڕۆفیسۆر د.حکمت علی محمد لە هۆڵی عبداللە الحداد لە کۆلێژی پەروەردە بەڕێوەچوو بە ئامادەبوونی بەڕێزان نوێنەری سەرۆکی زانکۆ پڕۆفیسۆر د.شێروان و پڕۆفیسۆر د. ادریس هەرکی سەرۆکی زانکۆی پؤڵی تەکنیک و خانەوادەی بەڕێزی کۆچکردوو لەگەڵ ئامادەبوونی ژمارەیەکی زۆر لە مامۆستایان و قوتابیان و هاوڕێییانی کۆچکردوو.
سەرەتای مەڕاسیمەکە بە چەند ئایەتێک لە قورئانی پیرۆز دەستی پێکرد کە لەلایەن قوتابی بەشی کیمیا ( ماهر ادریس ) خوێنرایەوە
پاشان بەڕێز ڕاگری کۆلێژ (پ.ی.د.سعید عمر ابراهیم) گوتاری ڕاگرایەتی پێشکەش کرد و تییدا بەناوی سەرۆکایەتی زانکۆ بەخێرهاتنی میوانانان و کەسوکاری کۆچکردووی کرد و هەروەها ڕوونی کردەوە کە مەڕاسیمەکە کەمترین وەفاداریە کە پێشکەش بە کۆچ کردوو بکرێت چوونکە لەدەستدانی د.حکمت خەسارەتێکی گەورە بوو لە کۆلێژ و زانکۆ و بەشی کیمیا کەوت .
پاشان چەند مۆمێک لەلایەن برای گەورەی د.حکمت کاک جمهورو بەڕێزان د.شێروان و د.ادریس و د.سعید داگیرسێنران لەگەڵ پەخشکردنی ڤیدیۆیەکی دۆکۆمێنتاری لە سەر ژیاننامەی ئەکادیمی و زانستی کۆچکردوو کە لەلایەن ڕاگەیاندنی بەشی کیمیا ئامادەکرابوو.
لە دوایی دا گوتاری سەرۆکایەتی بەشی کیمیا لەلایەن د.دلێر دڵشاد پێشکەش کرا کە تایبەت بوو بە ژیاننامەی زانستی د.حکمت و گێڕانەوەی سیفەتە بەرزەکانی ئەو کەلە پیاوە کە کەلێنێکی گەورەی بۆ بەشی کیمیا دروست کرد بە کۆچی ناوەختەی.
پاشان درعێکی ڕێزلێنانی سەرۆکایەتی زانکۆ لەلایەن بەرێزان ڕاگری کۆلێژ و د.شێروان و د.ادریس پێشکەش بە خێزانی کۆچ کردوو کرا و هەروەها بڕوانامەی ڕێزلێنانی ڕاگرایەتی و بەشی کیمیا پێشکەش بە کاک جەمهوری براگەورەی د،حکمت کرا وەکو ڕێزێک بۆ ماندووبوونەکانی د.حکمت و خزمەتەکانی کە پێشکەشی زانکۆ و کۆلێژ و بەشەکەی کرد.
پاشان مەڕاسیمەکە کۆتایی هات بە خوێندنەوەی گوتاری بەڕێز جەمهور علی محمد برا گەورەی کۆچ کردوو کە تێیدا تیشکی خستە سەر ژیاننامەی کۆچکردوو هەر لە مناڵیەوە تا دەگاتە ژیانی زانکۆیی و ئەکادیمی د.حکمت لە زانکۆ و بەهرەمەندی ئەو زاتە بەڕێزە کە هەموو سیفاتێکی مرۆڤی زیرەک و پاکی تێدا کۆبووەوە ، هەروەها سوپاسی سەرۆکایەتی زانکۆ و ئەنجوومەنی کۆلێژی پەروەردەو مامۆستا و قوتابیانی زانکۆی سەڵاحەدین و شاری هەولێری کرد کە ماندووبوونیان کیشا لە مەڕاسیمی بەڕێکردن و بەخاکسپاردنی لە زێدی باوو باپیرانی لە دووز خورماتوو ….
خودا لە گوناهەکانی د.حکمتی کۆچکردوو خۆشبێت و مەنزڵگای بەهەشتی بەرین بێت
انا للە وانا الیە راجعون..
ڕاگەیاندنی بەشی کیما