كۆلیژی پەروەردە/ شەقڵاوە وەك كاری لەمێژینەی خۆی كە بەئەركی سەرشانی دەزانێت لە ڕۆژی جهانی زمانی دایک و بە مەبەستی بەرزڕاگرتنی زمانی کوردی، ئەمڕۆ سێ شەممەڕێکەوتی ٢١/٢/٢٠٢٣ لە کۆلێژەکەمان دا ، بە ئامادەبوونی هەر یەک لەبەڕێزان ڕاگری کۆلێژ پرۆفیسۆر دکتۆر (فەرهاد علی ) ، و یاریدەدەری ڕاگرمامۆستا ( محمد رفیق ) و بە ئامادەبوونی بەڕێز دکتۆر ( عبدالخالق نادر ) ڕاگری کۆلێژی تەکنیکی شەقڵاوە و سەرۆک بەشەکان و کاک ” دیار عبدالله ” بەرپرسی لقی سەفینی (ی.ق.ک) مامۆستایان و قوتابیان ،بە هەماهەنگی ڕیکخراوی قەڵەم و لێژنەی قوتابیانی کۆلێژەکەمان لەگەڵ سەرۆکایەتی بەشی زمانی کوردی هەڵسان بەئەنجامدانی چەند چالاکییەکی هونەری هاوبەش ، کە بەشێک لە چالاکییەکە بریتی بوو لە کۆرێکی شعری بۆ قوتابیانی کۆلێژەکەمان بە بۆنەی رۆژی زمانی دایك،لەسەرەتای چاڵاکییەکەدا سەرۆکی بەشی زمانی کوردی بەڕێز دکتۆر ( محمد مەنتک ) بەخێرهاتنی میوانانی کردو دواتر بە پوختەیەک باسی گرنگی ئەو رۆژەی کرد، لە پاشان مامۆستا ( ئاشتی کوردی ) سەرنجی ئامادەبووانی ڕاکێشا بە پێشکەشکردنی سیمینارێکی تایبەت لەسەر ئەو ڕۆژە پیرۆزە،لەکۆتایی دا خەڵات و ڕێزلێنان لەلایەن بەڕێز ڕاگری کۆلێژ بەسەر بەشداربووانی چاڵاکییەکە بەخشرا.
