لە بارەگای یەکێتی تۆپی پێی کوردستان کۆتایی بە خولێکی ئاسیایی بۆ راهێنەرانی فوتساڵی خانمان هات بۆ ئاستی یەکەمی ( level 1 ) بۆ یەکەمجار لەسەر ئاستی عێراق، یەکێتی تۆپی پێی بە هاوئاهەنگی لەگەڵ یەکێتی تۆپی پێی عێراق خولەکەی بۆ راهێنەرانی فوتساڵی خانمان کردبوۆوە کە لە لایەن وانەبێژ ئاسیایی رەجا مەحموود وانەکان دەگوترایەوە،( پ.ی.د ئەحمەد کۆچەر ) راگری کۆلێژی پەروەردەی جەستەیی و زانستە وەرزشیەکانی زانکۆی سەڵاحەدین لە لایەن یەکێتی تۆپی پێی کوردستان خەڵاتی تایبەتیان پێشکەشکرا لە بەرانبەر ئەم پشتگیری و پاڵپشتیە بەڕێزیان لە کاتی بەڕێوەچوونی خولەکە، لە لای خۆشیەوە راگری کۆلێژ سوپاسی یەکێتی تۆپی پێی کوردستانی کرد و پاڵپشتی خۆی بۆ دووپاتکردنەوە لە پێناو خزمەتکردنی وەرزشی خانمان لەسەر ئاستی کوردستان و عێراق و شاری هەولێر بە تایبەتی.
راگەیاندنی کۆلیژ
