زانکۆی سەلاحەدین-هەولێر
کۆلێژی یاسا
ئه‌نجام دانی چالاکی دادگای گریمانەیی
ڕۆژی دوو شەممە ڕێکەوتی 2024/11/25 كاتژمێر 10:30ی به‌یانی به ئاماده‌بوونی به‌ڕێزان (پ.د. بختیار صابر بایز) ڕاگری كۆلێژ، (پ.ی.د. قاسم هاشم محمود) ی.ڕاگر، (د. علی طه اكرم) سه‌رۆك به‌ش، (پ.د. نوزاد صدیق سلیمان) نوێنه‌ری مامۆستایان، (د.ئامانج علی قادر) به‌رپرسی هۆبه‌ی خوێندنی باڵا،(د. رۆشنا اكرم سعد) به‌رپرسی هۆبه‌ی تۆمار، (م.ی. گۆران قادر) بڕیارده‌ری به‌شی یاسا، ژمارێكی زۆر له مامۆستایان و قوتابیانی كۆلێژی یاسا.
له ژێر چاودێری ڕاگرایەتی کۆلێژ و لێژنەی نوێنه‌رایه‌تی قوتابیانی كۆلێژی یاسا / یەکێتی قوتابیانی کوردستان، چالاکی دادگای گریمانەیی لە لایەن قوتابیانی قۆناغی ( سێیەم ) لە هۆلی (پ.د. خالد سعید) بۆ سیمینارات ئەنجام درا بە سەرپەرشتی بەڕێزان ( د. عماد فتاح اسماعیل) و (د.هێڤی حسن رمضان) مامۆستایان له به‌شی یاسا .
سه‌ره‌تای چالاكیه‌كه ده‌ستی پێكرد به خولەکێک وه‌ستان بۆ گیانی پاكی شه‌هیدانی ڕیگای ڕزگاری كوردستان.
دواتر ستافی چالاکی دادگای گریمانەیی كه پێك هاتبوو له قوتابیانی قۆناغی (سێیەم ) توانیان به شێوه‌یه‌كی زۆر جوان و ڕێك و پێك دادگای گریمانەیی پێشكه‌ش و نمایش كه‌ن بۆ ئامه‌ده‌بووان كه بۆ جێ ده‌ست خۆشی ئاماده‌بووان .
جێگای ئاما‌ژه پێكردنه كه ئامادەکردن و ڕێکخستنی کەیسەکان و چۆنیەتی بەڕێوەچوونی دادگاییەکە، لەلایەن پارێزەری بەڕێز (عبداللە کاک سلیم) ئامادەکاری و سەرپەرشتی بۆکراوبوو.
ولەم دادگای گریمانەییەدا هه‌وڵ درا سەرنجی ئامه‌ده‌بووان بۆ کۆمەڵێک خاڵ ڕابکێشین وەکو بەرچاو ڕوونیەک کەپێشتر لە دادگاکانی تر بوونی نەبووە و بۆیەکەم جارە لەم دادگاییەدا ئاماژەی پێدرا و هەڵوێستەی لەسەری كرا.
. 1- دادگاییەکە دەربارەی بابەتی توندوتیژی خێزانی بوو، سێ بەشی لەخۆگرت، بەشی یەکەم و دووەم پێک هات لەدوو کەیس، بەشی سێیەم ئاماژە بە قۆناغی تەمییزی دەکرا و ڕوونی کرده‌ەوە کە دوای ئەوەی حوکمی دادگا تەمییز دەکرێتەوە، چۆن دادگایی تاوانبار دەکرێتەوە لەهەمان دادگا و پلەی کۆتایی وەردەگرێت.
2- لەم دادگاییەدا دووکەیسی جیاواز هەبوو، بەڵام هەمان کەس تۆمەتبارە لەهەردوو کەیس، هەروەها پێشتر بەکەفالەت ئازاد کراوە، واتا تۆمەتباری دەستەبەرکراوە.
3- هۆکار و چۆنیەتی غلقبوونی ئەوراق لەکاتی دادگاییکردن لەکەیسی یەکەم ڕووندەکرێتەوە.
4- کەیسی توندوتیژی خێزانی بەپێی یاسای توندوتیژی خێزانی لەدادگای کەتن دەبینرێت، بەڵام حاڵەت هەیە لە دادگای جنایات کەیسەکان دەبینرێت، لێرە ئەم حاڵەتە ڕوون كرایه‌وە.
له كۆتای دا وێنه‌ی به كۆمه‌ڵ چركاندرا بۆ ئامه‌ده‌بووان.
دڵشاد محمد رحمن
بەڕێوەبەری ڕاگەیاندنی کۆلێژی یاسا
زانکۆی سەلاحەدین-هەولێر