ڕۆژى پێنج شەمە ڕێکەوتی 24/10/2019 كاتژمیر10 بەیانی، لە درێژەی کار وچالاکیەکانی لێژنەی قوتابیانی کۆلێژی یاسا لە هۆڵی (پ.د.خالد سعید توفیق) بۆ سیمیناره‌كان کۆلێژی یاسا، و لە ژێر چاودێری بەڕێز (پ.ی.د. کاوان اسماعیل) ڕاگری کۆلێژ و ئامەدەبوونی بەڕێزان (پ.ی.د.قاسم هاشم) ی.راگر ، و (پ.د.شیروان صالح) ی.سەرۆکی زانکۆی سەلاحەددین بۆ کارباری قوتابیان، و ( پ.ی.د. ادریس هەرکی) مامۆستای زانکۆ، وبەشێک لە مامۆستایان و قوتابیانی کۆلێژ، سمیناری بەڕێز (جەنەرال حوسێن یەزدان پەنا) سەرۆکی پارتی ئازادی کوردستان و فەرماندەی هێزی پێشمەرگەی ڕۆژهەڵاتی کوردستان، کە لەلایەن لێژنەی قوتابیانی کۆلێژی یاسا رێکخرابوو، لە ژێر چاودێری نوسینگەی زانکۆی سەلاحەددین مرۆڤایەتیەکان، کە ئەم چالاکیە لە (هەفتەی بەرەنگاری نیشتیمانی) بەرێوەچوو کەلەلایەن مەکتەبی سکرتاریەتی یەکێتی قوتابیانی کوردستان راگەیاندراوە .

ولە سەرتادا چالاکیەکە دەستی پێ کرد بە دەقەیەک وەستان بۆ گیانی پاکی شەهیدانی ڕێگای ڕزگاری خاکی کوردستان و شه‌ری دژه‌ تیرور.

پاشان وته‌ی به‌خیرهاتن پێشکەش‌ کرا لە لایەن بەڕێز ڕاگری کۆلێژی یاسا .

پاشان وتاری قوتابی (ئازاد مرشد خالد) بەرپرسی لێژنەی قوتابیانی کۆلێژی یاسا پێشکەش‌ کرا.

وە لەم سیمینارەدا (جنراڵ حوسێن یەزدان پەنا) تیشکی خستە سەر ئەم خاڵانەی خوارەوە :

۱. رەهەندی مێژوویی کێشەی کورد و دەوڵەتی عێراق.ئاماژه‌ی به‌وه‌كرد کە کێشەکانی نێوان بەغدا و هەولێر شەخسیی نیین و هەڵکەوتیش نیین.بەڵکوو دەگەڕێتەوە بۆ لکاندنی زۆرەملیی باشوری کوردستان بە دەوڵەتی عێراقەوە.

۲. داگیرکردنەوەی کەرکووک لە ۱٦ئۆکتۆبەری ۲٠۱۷دا پلانی بەشێک بوو لەپلانی دروست کردنی هیلالی شێعە لە ناوچەکەدا.

۳. رێفراندۆم گرینگترین بڕیاری سیاسیی و یاسایی کورد بوو لە قۆناغی نوێدا.داگیرکرانی کەرکووک هیچ پێوەندییەکی بە رێفراندۆمەوە نەبوو.رێفراندۆمیش نەکرایە،ئەو داگیرکارییە دەقەوما.

٤. پلانی داگیرکەران،بە کەرکووک کۆتایی نەهات.بەڵکوو پلانی ستراتیجی ئەوان کۆتاییهینان بوو بە هەرێمی کوردستان و پاشەکشە پێکردنی سەرجەم بزاڤی کورد لە رۆژهەلاتی ناوەڕاست بوو.

٥. لە میانه‌ی رووداوه‌كانی ئۆکتۆبەردا سوپاکانی تاران و بەغدا بە پشتیوانی ئیقلیمی و دەولی،ب داگیرکردنی هەولێر و کۆتایی هاتنی هەرێمی کوردستان جووڵان و لە پردێ تووشی بەرەنگاریی توندی پێشمەرگە بوون.

٦. ئاکامگیری سەربازیی کرد کە،پێویستمان بە ئەرتەشی نیشتمانیی هەیە کە لە ژێر بریاری حیزبدا نەبێ و لە بەر فەرمانی،سەرۆکی وڵات دا بێ.

۷. لە ئاکامگیری سیاسییدا،پێی لە سەر ئەوە داگرت کە:

تەنیا بە سەروەریی و دەوڵەت دەتوانیین خۆمان بپارێزین.

سەرۆک بارزانی ئەو استییەی دەزانی،بۆیە سەرکردایەتی رێفراندۆمی کرد.

ولە کۆتایدا سیمینارەکە دەوڵەمەند کرا بە پرسیار و گفتووگۆ ئامەدەبوان .

دڵشاد محمد رحمن

بەڕێوەبەری ڕاگەیاندنی کۆلێژی یاسا

زانکۆی سەلاحەددین