زانکۆی سەلاحەدین – هەولێر

کۆلێژی یاسا

كردنەوەی خولێک بە ناونیشانی (ڕۆلی پارێزەر لەبەردەم دادگا)

ڕۆژی یەکەم

ڕۆژی دووشەممە ڕێکەووتی 17/2/2025 کاتژمێر 10:15ی am لە هۆڵی(پ.د. خالد سعید) بۆ سیمینارات، لە ژێر چاودێری بەڕێز(پ.د. بختیار صابر بایز) ڕاگری کۆلێژی یاسا و ئامەدەبوونی بەڕێزان (پ.ی.د. قاسم هاشم محمود)ی.ڕاگر، (د. علي اكرم طه) سەرۆک بەشی یاسا،

بەمەبەستی زیاتر ئاشناکردنی قوتابیان بە بازاری کار و زیاتر ئامادەکردنی قوتابیان بۆ ئەوەی لەرووی پراکتیکیەوە لە داهاتوو شارەزایی پێویستیان هەبێت ، نۆرینگەی یاسای لە کۆلێژی یاسا بە هەماهەنگی لەگەل سەندیکای پارێزەرانی کوردستان،

هەڵسا بەکردنەوە خولێک بۆ قوتابیانی قۆناغی سێیەم و چوارەم و پێنجەم.

بە ناونیشانی (ڕۆلی پارێزەر لەبەردەم دادگا جۆراوجۆرەکاندا).

خولەکە دەستى پێکرد بە دەقەیەک وەستان بۆ گیانى پاکى شەهیدانى کوردستان.

لە سەرەتاى کردنەوەى خولەکە بەڕێز (پ.د. سامان عبدالله) بەرپرسى لێژنەى نۆرینگەی یاسای لە کۆلێژی یاسا بەخێرهاتنى ئامەدەبووان و بەژداربووانی خولەکە کرد.

دواتر بەڕێز(پ.د. بختیار صابر بایز) ڕاگری کۆلێژی یاسا ووتەیەکى پێشکەش ئامەدەبووان کرد کە تیایدا بەخێرهاتنى بەڕێز (پاڕێزەر/ایاد کاکەیی) سەرۆکی لقی هەولێر سەندیکای پارێزەرانی کوردستان کرد، ودەستى خۆشى لێکرد بۆ بەژدارى بەڕێزیان لە خولەکرد و ئەوەش دەبێتە هۆکارى بەخشینى زانیارى بۆ قوتابیانى کۆلیژى یاسا.

ڕاگری کۆلێژی یاسا دەست خۆشى کرد لە ستافى نۆرینگەی یاسای و هۆبەى دڵنیاىى جۆرى و پەرەپێدانى پرۆگرامەکان لە کۆلێژی یاسا بۆ هەوڵ و ماندووبونیان بۆ ڕێکخستنى ئەم جۆرە خولانە بۆ قوتابیان.

ولە میانەی ڕۆژی یەکەمی خولەکە بەڕێز (پاڕێزەر/ایاد کاکەیی) سەرۆکی لقی هەولێر سەندیکای پارێزەرانی کوردستان، بابەتێکی پێشکەش کرد بە ناونیشانی (بنەماکانی ڕەفتاری پارێزەری/قواعد سلوك المحاماة).

دواتر بەڕێز (پارێزەر/ ایاد کاکەیی ) سەرۆکی لقی هەولێر سەندیکای پارێزەرانی کوردستان وەڵامی پرسیار و پێشنیاری ئامەدەبووانی داوە.

دواتر سوپاس و ڕێزلێنان لە لایەن بەڕێز(پ.د. بختیار صابر بایز) ڕاگری کۆلێژی یاسا پێشکەش کرا بۆ بەرێز (پارێزەر/ ایاد کاکەیی ) سەرۆکی لقی هەولێر سەندیکای پارێزەرانی کوردستان.

لە کۆتاى دا وێنەى بە کۆمەڵ چرکاندرا بۆ ئامەدەبووان.

دڵشاد محمد رحمن

بەڕێوەبەری ڕاگەیاندنی کۆلێژی یاسا

زانکۆی سەلاحەدین-هەولێر