زانکۆی سەلاحەدین-هەولێر
کۆلێژی یاسا
وۆڕکشۆپی «پێشکەوتنی تەکنەلۆژیا و کاریگەریی لەسەر تاوان» بە هاوبەشی لە نێوان زانکۆی سۆران و زانکۆی سەلاحەدین بەڕێوەچوو
ڕۆژی دووشەممە 25ی تشرینی دووەمی 2024 قوتابیانی بەشی یاسا – زانکۆی سه‌لاحه‌دین-هه‌ولێر، بە یاوەری به‌ڕێزان(پ.ی.د. محمد صباح) و (د. عماد فتاح) مامۆستایانی كۆلێژی یاسا بە مەبەستی ئەنجامدانی چالاکییەکی زانستی سەردانی زانکۆی سۆرانیان کرد.
چالاکییەکە بە ئامادەبوونی هەریەکە لە بەڕێزان (د.هیمداد فیصل أحمد) ڕاگری فاکەڵتیی ، (د.ئومێد سەفەری حەسەن) سەرۆکی بەشی یاسا/ زانكۆی سۆران، و ژمارەیەکی بەرچاو لە مامۆستایان و قوتابیان لە هۆڵی ئیسماعیل بێشکچی بەڕێوەچوو .
دەستپێکی وورکشۆپەکە بە وتاری ڕاگری فاکەڵتیی دەستیپێکرد ، بەڕێزیان بەگەرمی پێشوازی و بەخێرهاتنی مامۆستایان و قوتابیانی زانکۆی سه‌لاحه‌دین-هه‌ولێر کرد و ئەم لەیەك نزیکبوونەوەیەی هەردوو زانکۆکەی بەرزنرخاند و هیوای خواست ئەم جۆرە لەیەك نزیکبوونەوەیەی نێوان هەردوو زانکۆکە پەرەی پێبدرێت و چالاکی هاوبەشی لەم جۆرە بەردەوامیان هەبێ.
‌ له‌ وورکشۆپەکە دا تیمی قوتابيانى زانكؤی سەلاحەدین-هه‌ولێر/ کۆلێژی یاسا بریتیبون لەم قوتابیانه‌ی خواره‌:
1-هەڵوێست کریم احمد /قوتابى قؤناغى چوارەم
2-ئەوین جمعه عبدالله /قوتابى قوناغى چوارەم
3-بلند ابراهيم مجيد /قوتابى قؤناغى چوارەم
4-مەهنا تحسین صالح / قوتابى قوناغى سێیه‌م
پانێڵی یەکەم بە ناونیشانی: “ماهییەتی تاوانە ئەلیکترۆنییەکان و شێوازە سەرەکییەکانی ئەنجامدانیان” دەستی بە کارەکانی کرد ،
هەریەکە لەم بەڕێزانەی خوارەوە لە پانێڵەکە بەشداربوون:
بەڕێوەبەری پانێڵ: پ.ی.د. عثمان مصطفی عبدالله مامۆستا لە بەشی یاسا زانکۆی سۆران
پانێڵیست: إیمان أیوب غفور قوتابی زانکۆی سۆران بە ناونیشانی “ ناساندنی تاوانی ئەلیکترۆنی تایبەتمەندی تاوان و تاوانبار لە تاوانە ئەلیکترۆنییەکان. “
ـ پانێڵیست: إبراهیم محمد عبدالله قوتابی زانکۆی سۆران بە ناونیشانی “ ناساندنی تیۆری هاککردن.”
ـ پانێڵیست: مەهنا تحسین صالح قوتابی زانکۆی سەلاحەدین بە ناونیشانی “ناساندنی تیۆری ڤایرۆسەکان.
دواتر پانێڵی دووەم دەستیپێکرد بە ناونیشانی: “کرداری تاوانە ئەلیکترۆنییەکان و یاسای بەرکار بۆ ڕووبەڕووبونەوەی.”،
هەریەکە لەم بەڕێزانەی خوارەوە لە پانێڵەکە بەشداربوون:
بەڕێوەبەری پانێڵ: پ.ی.د. محمد صباح سعید مامۆستا لە بەشی یاسای زانکۆی سەلاحەدین
ـ پانێڵیست: هەڵوێست کەریم أحمد قوتابی زانکۆی سەلاحەدین-هه‌ولێر بە ناونیشانی “ شێوازی کردەیی هاککردن و بەکارهێنانی ڤایرۆس لە ئەنجامدانی تاوانە ئەلیکترۆنییەکان. “
ـ پانێڵیست: أیاد صالح قادر قوتابی زانکۆی سۆران بە ناونیشانی “ یاسای کارپێکراو و بەرکار لە عێڕاق و هەرێمی کوردستان بۆ ڕووبەڕووبونەوەی تاوانە ئەلیکترۆنییەکان. “
ـ پانێڵیست: ئەوین جمعة عبدالله قوتابی زانکۆی سەلاحەدین بە ناونیشانی “سەرنج و تێبینی و پێشنیار لەسەر یاسا بەرکارەکان.”
شایەنی باسە، یەکێ لە پانێڵیستەکان بە شێوازی پڕاکتیکیی و کرداریی، کرداری هاککردنی لەنێو هۆڵەکەدا ئەنجامدا و ئامادەبووانی ئاشناکردن بە هاککردن و شێوازەکانی.
وە سەرپەرشتیارەکانی قوتابیان بۆ چالاکییەکە بریتیبوون لە وورکشۆپەکە هه‌ر یه‌ك له‌ به‌ڕێزان (پ. ی. د. عثمان مصطفی) و (پ. ی. د. محمد صباح).
دوای کۆتاییهاتنی هەردوو پانێڵی وۆڕکشۆپەکە، سەرنج و پرسیاری بەشێك لە ئامادەبووانی هۆڵەکە وەرگیرا.
لە کۆتایی وۆڕکشۆپەکەدا سوپاس و پێزانین لەلایەن ڕاگری فاکەڵتییەوە پێشکەش بە پانێڵیستەکان و بەڕێوەبەرانی هەردوو پانێڵەکە کرا.
‌
دڵشاد محمد رحمن
بەڕێوەبەری ڕاگەیاندنی کۆلێژی یاسا
زانکۆی سەلاحەدین-هەولێر