پڕۆفیسۆرێكى زانكۆى روونى فڕه‌نسى سه‌ردانى كۆلێژ ده‌كات
دوێنێ سێشه‌ممه 1ى تشرینى یه‌كه‌مى 2019، به‌ڕێز راگرى كۆلێژ (د. قادر محمد حسن) پێشوازى له به‌ڕێز (پرۆفیسۆر صالح ئاكین) زمانناس له زانكۆى (روون)ى فڕه‌نسى كرد، دواتر كۆبوونه‌وه‌یه‌كى زانستى بۆ هه‌ماهه‌نگى له‌نێوان زانكۆى روونى فڕه‌نسى و كۆلێژى ئاداب، ئه‌نجامدرا.
راگرى كۆلێژ، باسىى له چۆنیه‌تى سود وه‌رگرتن له تواناكانى پسپۆرٍانى كوردى فڕه‌نساى كرد بۆئه‌وه‌ى هه‌ماهه‌نگى بكرێت و تاوه‌كو سود له تواناى پسپۆڕانى كوردى زانكۆكه وه‌ربگیرێت، هه‌روها باس له‌و لێكۆلینه‌وه كوردیانه كرا كه له زانكۆى ناوبرارو ئه‌نجامدراون.
