ریكه‌وتی (04\08\2022) نوێنه‌ری یونسیف له‌ به‌غداد بەریز( سعاد عباس سلمان) كه‌ پسپۆری پاراستنی منداڵه‌ هه‌روه‌ها بەرێز ( مامۆستا احمد) وه‌ك نوێنه‌ری یونسیف له‌ كوردستان له‌به‌شی پاراستنی منداڵ سه‌ردانی به‌ڕێز راگری كۆڵیژی ئاداب و به‌شی كاری كۆمه‌ڵایه‌تیان كرد . سه‌ره‌تا به‌ریز راگری كولێژبەرێز(پ.د.قادر محمد حسن) كورته‌كی مێژووی له‌سه‌ر كولێژ و به‌شه‌كانی بۆ میوانان روون كردوه‌ ئینجا باسی به‌شی كاری كۆمه‌ڵایه‌تی كرا. دواتر كۆبوونه‌وه‌ی میوانان له‌به‌شی كاری كۆمه‌ڵایه‌تی ئه‌نجامدرا به‌ئاماده‌بوونی بەرێزان(د.حكیم قادر ) سه‌رۆكی به‌ش و ( د.مصلح ئيروانی) و مامؤستا( موژده‌ محمد) و مامۆستا( سه‌نگه‌ر یوسف). ئامانج له‌م سه‌ردانه‌ ئاشنا بوونی زیاتر له‌سه‌ر كار و پرۆگرامی به‌شی كاری كۆمه‌ڵایه‌تی و چۆنیه‌تی باشتر كردنی په‌یوه‌ندیه‌كانی به‌شی كاری كۆمه‌ڵایه‌تی له‌گه‌ل یونسیف به‌دوورو درێژی باس كرا.. له‌ كۆتاییدا تاكید كرا له‌سه‌ر ئه‌وه‌ی كه‌ یونسیف سوود له‌ ده‌رچووانی به‌شی كاری كۆمه‌لایه‌تی وه‌ربگرێت له‌ كارو و پرۆژه‌كانیان به‌تایبه‌ت له‌ كه‌مپه‌كان. هه‌روه‌ها به‌شی كاری كۆمه‌ڵایه‌تیش هاوكاری یونسیف بكات له‌بواره‌كانی راهینان ، پیشكه‌وتنی ده‌رچووانی به‌شی كاری كۆمه‌لایه‌تی و توێژه‌رانی كۆمه‌لایه‌تی له‌ دامووده‌زگا حكومی و كه‌رتی تایبه‌تی و هاوكاری یه‌كتر له‌بواری توێژینه‌وه‌ی زانستی به‌مه‌به‌ستی زیاتر خزمه‌ت كردنی كۆمه‌ڵگای كوردی. جگه‌ له‌وه‌ش باس له‌به‌ستنی كۆنفراسێكی زانستی هاوبه‌ش له‌نێوان یونسێف و به‌شی كاری كۆمه‌ڵایه‌تی كرا كه‌ وابریاره‌ له‌ساڵی داهاتوو ئه‌نجام بدرێت.