ژینگە پارێزی ئەرکێکی مرۆڤ دۆستانەو نیشتیمانیە

ڕێکەوتی ٢٢/٤/٢٠١٩ وۆڕکشۆپێکمان ئەنجام دا بە هاوکاری نێوان دەستەی پاراستن و چاککردنی ژینگەی حکومەتی هەرێمی کوردستان و دامەزراوەی پەروەردەیی گەشە و کۆلێژەکەمان بە بۆنەی ڕۆژی زەوی کە ساڵانە لە ٢٢ ی مانگ یادی دەکرێتەوە.
کاتژمێر ٩ ی بەیانی دەست کرا بە بەرنامەی وؤرکشۆپەکە لە هۆڵی عبداللە حداد لە ژێر ناوونیشانی ( ژینگە پارێزی ئەرکێکی مرۆڤ دۆستانەو نیشتیمانیە ، بۆ فەراهامکردنی ژینگەیەکی تەندروست بۆ نەوەکانی داهاتوو)
سێ سیمنار پێشکەش کران .
سیمناری یەکەم : لەلایەن بەڕێز د.عبداللە حمد عزیز مامۆستا لە بەشی بایۆلۆژی بەشەکەمان پێشکەش کرا لە ژێر ناوونیشانی ( مەترسیەکانی سەر ئاساییشی سەرچاوە ئاویەکان لە هەرێمی کوردستان)
کە تێیدا بە داتا تیشک خرایە سەر سەرچاوە ئاویەکان لە هەرێمی کوردستان و دیاردەی بە لێزمە بارینی ئیمساڵ و ساڵانی داهاتوو و دیاردەکانی ووشکەساڵی لە چەند ساڵی ڕابردوو دا ، ئینجا باسی سەرچاوە سەرەکیەکانی ئاو کران لە هەرێمی کوردستان و هۆکاری مەترسیەکانی دەرەوەو ناوەوە لەسەر ئەم سەرچاوە سرووشیتیانەی کە لە هەرێمی کوردستان دا هەن و ئەو پێداویستیانە چین پارێزگاری لەو سەرچاوانە بکەین لە داهاتوو دا.
سیمناری دووەم : لەلایەن مامۆستا احمد محمد مولود پێشکەش کرا بە نوێنەرایەتی دەستەی پاراستن و چاککردنی ژینگەی هەرێمی کوردستان لە ژێر ناوونیشانی ( کارو چاڵاکیەکانی دەستەی پاراستن و چاکککردنی ژینگە لە هەرێمی کوردستان ) دا
تێیدا ناوبراو تیشکی خستە سەر ئەو چاڵاکیانەی کە ئەم دامەزراوە گرنگەی حکومەت لە هەرێمی کوردستان ئەنجامی داوون لە  کاتی دامەزرانیەوە لە ٢٠٠٣  ەوە تا ئێستا کە بەرەو کابینەیەکی نوێ لە حکومەتی هەرێم دا دەچین لەگەل ئەو ڕێسا و یاسایەنەی کە لە لایەن پەڕلەمانی هەرێمی کوردستانەوە دەرکراوون لە سەر هەموو ئەو سێکتەرانەی کە تایبەتمەندی ژینگەتییان هەیە .
کۆتا سیمناریش لە لایەن بەڕێز د.دلێر کوردە ڕواندزی پێشکەش کرا مامۆستا لە بەشی کیمیای کۆلێژەکەمان لە ژێر ناوونیشانی ( تەکنەلۆژیای ڕیسایکلینگ) .
ناوبراو لەم سیمنارەدا تیشکی خستە سەر تەکنەلۆژیاکانی تایبەت بەو بەرهەمانەی کە لە هەرێمی کوردستاندا وەکو پاشماوە بەجێ دەمێنن وەکو زبڵ و خاشاک و بەتایبەتی بەرهەمە پلاستیەکان و ئاماژە پێکردنی هەندێ داتای گرنگ سەبارەت بە گرنگی ئەم تەکنەلۆژیایە ئەگەر لە هەرێمی کوردستان دا کاری پێبکرێت بە تایبەتی کاریگەری لەسەر پاکڕاگرتنی ژینگەی هەرێمی کوردستان و کۆنەببونەوەی ئەم پاشماوە ژەهراویانە وکە خۆڕزگار کردن لێیان بەشێوەیەکی زانست جێبەچی ناکرێت لە هەرێمی کوردستان دا لە گەڵ هێنانەوەی چەندین نموونەی سەرکەوتوو کە لایەن هەندێ ووڵاتی پێشکەوتوو کە جێبەجێ دەکرێن بۆ ریسایکلینگ ئەم پاشماوانە.
لە کۆتایی دا خەڵاتی ڕێزلێنان درایە پێشکەشکارانی سیمنارەکان و دەستەی پاراستن و چاککردنی ژینگە لە هەرێمی کوردستان و پاشان گۆڕینەوەی خەڵاتی ڕێزلێنان لە نێوان دامەزراوەی گەشەی پەروەردەیی و ڕاگرایەتی کۆلێژی پەروەردەی زانکۆی سەڵاحەددین لە لایەن هەریەکە لە بەڕێزان پ.ی.د.سمیر جودت بلال یاریدەدەری ڕاگر و د.ئومێد خاڵند بەڕێوبەری گشتی دامەزراوەی گەشە بۆ پەروەردەو فێکردن.

Leave a comment