هه‌ر نه‌ته‌وه‌يه‌ك جلوبه‌رگى تايبه‌ت به‌ خۆى ده‌پۆشێ كه‌ جياوازه‌ له‌ جلوبه‌رگى نه‌ته‌وه‌كانى تر‌، هه‌ر ئەمەشە‌ جلوبه‌رگ وه‌ك پێناسه‌يه‌كه‌ بۆ ناسينه‌وه‌ى گه‌لان.
‎بۆ رێزگرتن لە جلوبەرگی سەرجەم نەتەوە جیاوازەکانی هەرێمی کوردستان و نیشاندانی فره‌ڕه‌نگى و رازاوەيى و جوانی پۆشاکی گه‌لان، لەم رۆژەدا هاونيشتمانيانى كوردستان به‌ پۆشينى جلوبەرگی نەتەوەیی خۆیان پارێزگارى له‌ كه‌لتوور و يه‌كێك له‌ هێما نه‌ته‌وه‌ييه‌كانيان ده‌كه‌ن.
‎له‌ هه‌رێمى كورستان، رۆژى 10ى ئادارى هه‌موو ساڵێك وه‌ك رۆژى پۆشينى جلوبەرگی نیشتمانی دیاری كراوه‌ بۆ رێزگرتن له‌ جلوبه‌رگی سه‌رجه‌م نه‌ته‌وه‌ جیاوازه‌كانی ھه‌رێمی كوردستان و، نیشاندانی جوانییه‌كانی پۆشاكی رازاوه‌ و جوان و ره‌نگاڵه‌یی دانیشتووانی ھه‌رێمی كوردستان.
ئێمە وەک کۆلێژی پەروەردەی زانکۆی سەلاحەددین لەگشت بۆنە و یادەکان چالاکی جۆرا و جۆر ئەنجام دەدەین، و بەپۆشینی جل و بەرگی کوردی ئەم بۆنەیەمان بەرز ڕاگرت.

ڕاگرایەتی کۆلێژ
١٠/٣/٢٠٢٢