١- سیمینارێك لە لايەن د. دارا مشير له‌ ڕۆژی سێشه‌ممه‌، ڕێکه‌وتی (10/ 10/ 2023) پێشکه‌ش كرا بة ناونیشانی: رەوتی (هەستکردن بە قوربانی) لە پەیوەندییە ئاڵوگۆڕەکانی کەسایەتی.

    ئەو ڕەوتە لە چوارچێوەی گۆڕاوە نوێکانی بواری توێژینەوەی کەسایەتییە. پێناسەدەکرێت: هەستکردنێکی بەردەوامە کە (خود) قوربانییە، لە رێگای چەندین جۆر لە پەیوەندیە ئالۆگۆڕەکانی کەسایەتی.

ئەم گۆڕاوە لە چوار بوار پێک دێت:

یەکەم: پێویستی دانپێدانان: ئەم پێویستیە ئاماژەیە بۆ پاڵنانی قوربانی بە دانپێدانان بەوەی کە قوربانییە، هەروەها بەدەستهێنانی سۆزی ئەوانیتر بۆ خۆی.

دووەم: نوخبەگەرایی یان بژاردەی ئەخلاقە: ئاماژەیە بە وێناکردنی قوربانی بۆ خۆی کە پاکە لە ڕووی ئەخلاقییەوە. هەروەها گریمانەی پێچەوانە ئەرە بۆ بەرامبەرەکەی دەکات.

سێیەم: نەبوونی هاوسۆزی: ئاماژەیە بە کاردانەوەیەک کە بە پشتگوێخستن وێنا دەکرێت بەرامبەر بە ئەوانیتر بە شێوەیەکی گشتی، هەروا بەرامبەر بە مەینەتییەکانیان بە شێوەیەکی تایبەتر.

چوارەم: ڕومینەیشن (الاجترار): ئاماژەیە بەوەی کە قوربانی هەموو فۆکسی خۆی دەخاتەسەر مەینەتییەکانی خۆی وهۆکارەکان وسزا چاوەروانکراوەکان نەوەکو توانای چارەسەری.

٢- سیمیناريك لە لایەن پ. ی.د. ئاراز حكيم  له‌ ڕۆژی سێشه‌ممه‌، ڕێکه‌وتی (17/ 10/ 2023) پێشکه‌ش كرا بە ناونیشانی: شيكردنه‌وه‌يه‌كى سايكۆلۆژى بۆ (بڕِياری خێرا و پێشوه‌خت) له‌باره‌ى كه‌س و شته‌كان و ئه‌نجامه‌كانى مامه‌ڵه‌کردنی مرۆڤ له‌گه‌ڵ ئه‌و وروژێنه‌رانه‌ی کاری تێده‌که‌ن ده‌وه‌ستێته‌ سه‌ر هه‌ر یه‌ک له‌ پرۆسه‌کانی (هه‌ستکردن، ئاگابوون و درککردن)، که‌ هه‌ر سێ پرۆسه‌که‌ش به‌هۆکاری کاریگه‌ری فاکته‌ر‌ی جۆراوجۆر له‌ که‌سێکه‌وه‌ بۆ که‌سێکی تر جیاواز ده‌بێت.  واته‌ پرۆسه‌کانی هه‌ستکردن، ئاگاداربوون و  درککردنی که‌سه‌کان بۆ هه‌مان وروژێنه‌ر له‌یه‌کتر جیاوازده‌بن.

هەروەك مەرج نییە هەموو ئاگاداربوونێك ببێت بە درككردن، چونكە: زۆرجار تەماشا دەكەین بەڵام ناتوانین هەموو شتەكان ببینین، یان گوێ دەگرین بەڵام گوێبیستی هەموو شتەكان نابین. جگە لەوەی ئاگاداربوونی كۆمەڵێك بۆ هەمان هەڵوێستی وەكو گوێگرتن لە وتار یان بابەت یان گۆرانی یان دەقێكی شیعری، یان تەماشاكردنی شانۆ یان فیلمێك هەمان شتە، بەڵام درككردنی هەر یەكێكیان لەوی تر جیاواز دەبێت.