له ژێر چاودێرى ڕاگرایەتى کۆلێژ، لە میانەى هەڵمەتى شازدە ڕۆژەى بەرەنگاربونەوەى توندوتیژى دژى ئافرەتان لیژنەى نوێنەرایەتى قوتابیانى کۆلێژەکەمان، هەڵسا بە ئەنجامدانى دیبەیتێک لە کۆلێژى زانستە ئیسلامیەکان.
ئەمڕۆ دووشەممە رێککەوتى (٢/١٢/٢٠١٩) لە هۆڵى (م. محمد صاحب نەقشبەندى) لە کۆلێژى زانستە ئیسلامیەکان، دیبەیتێک بۆ هەریەک لە بەڕێزان ،مامۆستایانى کۆلێژەکەمان (د. عوسمان هەڵەبجەیی ، د. کابان عبدالکریم) و بەڕێز (م. ئارى رفیق، جێگرى بەرێوەبەرى گشتى لە بەڕێوەبەرایەتى بەرەنگاربونەوەى توندوتیژى دژى ئافرەتان) سازکرا.
لە سەرەتادا بەرێز(د. ادریس قادر حمدامین) راگرى کۆلێژ، لە وتەیەکدا بەخێرهاتنى میوانەکانى کرد و وتەیەکى پێشکەش کرد لە بارەى هەڵمەتەکەوە، دواتر بەشداربووانى دیبەیت بە ئامادەبوونى بەشێکى زۆر لە قوتابیانى کۆلێژەکەمان، لە گفتووگۆیەکى کراوەدا بەشێوەیەکى زانستیانە وتێر وتەسەل باسیان تەوەرەکە کرد و چەندین داتا وزانیارى گرنگیش خرانە بەرباس.
